Муваффақиятли мода тенденциялари фонида йиллар ўтса-да, ўзгармас нарсалар мавжуд. Қуйида улар ҳақида сўз юритилади.
Калта қора кўйлак
Рўйхатнинг энг аввалида калта қора кўйлак туради. Бу либосни 1926 йилда Коко Шанель ўйлаб топган. Матони турли шаклга солиб, безатилса-да, аммо қора ранг ўз моҳиятини йўқотмайди.
Оқ блузка
Бугун сизнинг гардеробингизни эгаллаган оқ кўйлак XIX асрда дастлаб эркаклар кийими сифатида сотилган. Ҳозирда классик услубдаги оқ кўйлак офисбоп костюм-шим, мини юбка, баланд пошнали оёқ кийим ёки кроссовкалар билан жуда мос тушади.
Плаш
Дастлаб Британияда 1901 йилда фабрика ишлаб чиқарувчиси Томас Бёрберри томонидан инглиз армияси учун плаш тикилади. Қулай, шамол ва ёмғирга чидамли бу кийим пиёда аскарлар учун мўлжалланган эди. Кейинчалик аҳоли орасида ҳам машҳур бўлади. Плашнинг аёллар учун варианти 1950 йилларда пайдо бўлган ва ҳозирги кунда ҳам ўз аҳамиятини йўқотмаган.
Туфли
Замонавий шаклдаги аёллар туфлиси Christian Dior мода уйида ишлаган дизайнер Роже Виве томонидан ўйлаб топилган. Бу оёқ кийимининг асосий хусусияти, хушбичим, ҳеч қандай безакcиз, учи қиррали эканлигида. Агар сиз беш ё ўн йилдан кейин ҳам мос келадиган пойабзал олмоқчи бўлсангиз, бу шубҳасиз, илгакcиз туфлилардир.
Ипак шарфлар
Шарфлар ҳар доим мавжуд бўлган. Аммо ипак шарф модаси Hermes томонидан ишлаб чиқарилган. У ўзининг биринчи брендини 1937 йилда чиқарган. Кейинчалик унинг маркасида минглаб шарфлар яратилган. Уни шляпа билан безаб ёки турли хил ўраш орқали янгича услуб яратиш мумкин. У ҳали йиллар давомида аёллар учун хизмат қилади.
Жундан тикилган лаконик жемпер
Жундан тикилган ҳар қандай кийим кўп йиллар сизга хизмат қилади. Айниқса қишнинг изғирин кунларида иссиққина жундан қилинган бўйинли жемпер гардеробингиздаги севимли кийимлар қаторидан жой олиши шубҳасиз.
Пальто
Ҳеч қачон урфдан қолмайдиган пальто сизга узоқ вақт хизмат қилиши учун кашмир, алпака ёки туя жунидан тайёрланиши керак. Пальто учун классик ранглар – қора, кул ранг, тўқ кўк ва жигарранг.
Изоҳ (0)