Ёзнинг иссиқ мавсумида тана ҳароратининг меъёрдан бироз юқори бўлиши табиий ҳол. Аммо фарзанд кутаётган аёллар учун эса бу анча қийинчилик туғдиради. Биз сизга иссиқ ҳавода ҳаётингизни бироз осонлаштирадиган усулларни тақдим қиламиз.
Туз истеъмол қилишни камайтиринг
Сиз тузни қанча кам истеъмол қилсангиз, оёқларингизда шишиш шунча кам бўлади. Аммо туздан умуман воз кечманг. Туз танадаги суюқликни сақлайди ва унинг таркибида ёд мавжуд бўлиб, бу фарзандингиз саломатлиги учун жуда муҳим. Албатта, ёдланган туз бўлса.
Бармоғингиздаги узукларни ечинг
Бўлажак оналарда кўпинча бармоқлар шишади. Юқори ҳарорат эса буни кучайтиради. Шиш белгилари бошланганда бармоғингиздаги узуклардан воз кечинг.
Сузиш билан шуғулланинг
Бассейнда сузиш нафақат иссиқ танани совитади, балки асабдаги босимни ҳам камайтиради. Сув сиз ўзингизни енгил ҳис қилишингизда ёрдам беради.
Нам сочиқлардан фойдаланинг
Бўйин ёки пешонангизга салқин, нам сочиқни қўйиш тана ҳароратини пасайтириш ва терлашни камайтиришга ёрдам беради.
Кўпроқ суюқлик ичинг
Кунига камида 8 стакан сув ичинг. Бунга қўшимча апелсин шарбати, сут ва сут маҳсулотларини ҳам қўшинг. Булар сизга ёзги қуёшда теридаги электролитларни тўлдиришга ёрдам беради.
Ҳаво ўтказадиган кийимлар кийинг
Бўлажак онанинг ёзги гардеробида пахтадан тикилган енгил, юмшоқ, оч рангли кийимлар бўлиши керак. Ҳаво ўтказадиган матолар терингиздаги доғ миқдорини камайтиради ва ўта иссиқликнинг олдини олади.
Қуёшдан ҳимояловчи кремлардан фойдаланишни унутманг
Агар сиз қуёшдан ҳимояловчи кремнинг SPF 15’дан фойдаланаётган бўлсангиз, ҳомиладорлик пайтида SPF камида 50 бўлиши керак. Қуёшда ҳомиладор аёллар териси меланин ишлаб чиқаришни кўпайтиради. Қуёшдан ҳимояловчи кремлар эса меланинни камайтиради.
Массаж олинг
Ҳомиладорлик пайтида массажлар шишишни камайтиришга ва бўлажак онани тўлғоқ жараёнига тайёрлашга ёрдам беради.
Қулай ва текис пойабзал кийинг
Қулай пойабзал сизнинг ўлчамингиздан ярим баравар катта бўлса-да, оёғингиздаги оғриқдан халос қилишга ёрдам беради.
Мавзуга доир: Ҳомиладор аёллар коронавирусдан қандай сақланиши керак?
Изоҳ (0)