Microsoft корпорацияси TikTok ижтимоий тармоғининг Америка бўлинмасини сотиб олиш бўйича музокараларни тўхтатиб қўйди, деб хабар беради The Wall Street Journal.
Бу каби қарор АҚШ президенти Дональд Трамп ижтимоий тармоқни мамлакат ҳудудида тақиқлаши мумкинлиги ҳамда TikTok’ни бирор Америка компанияси сотиб олишини қўллаб-қувватламаслигини маълум қилганидан сўнг қабул қилинган.
Microsoft корпорацияси ўзининг сайтида маълум қилишича, Хитойнинг ByteDance компаниясига тегишли TikTok сервисини харид қилиш борасидаги музокаралар қайта бошланади.
Музокараларни қайтадан бошлаш қарори Microsoft бош директори Сатя Наделланинг АҚШ президенти Дональд Трамп суҳбатидан сўнг қабул қилинган.
«Microsoft ByteDance билан музокараларга бир неча ҳафта ичида киришади, ҳар қандай ҳолатда ҳам у 2020 йилнинг 15 сентябрига якунланади», — дейилади хабарда.
Эслатиб ўтамиз, июль охирларида инвесторлар TikTok сервисини 50 миллиард долларга баҳолаган эди.
Маълумот учун, ByteDance TikTok’ни 2017 йилда харид қилган Musical.ly караоке-иловаси базасида яратган. TikTok қисқа мусиқий видео яратишга, жонли эфирларни амалга оширишга ва хабар алмашишга имкон берувчи ижтимоий тармоқ сервиси ҳисобланади.
Изоҳ (0)