Ўзбекистон Президенти Шавкат Мирзиёев 24 июль куни 63 ёшга тўлди. Шу муносабат билан Ўзбекистон Миллий симфоник оркестри «Жаноб Президент» фильмидаги мусиқани жонли ижро этди, дея хабар бермоқда Ўзбекистон давлат филармонияси.
«Бугун мураккаб давр. У халқдан бирлик ва ҳамжиҳатликни талаб этади. Пандемияга қарамай, Сиз шижоат, меҳнатсеварлик ва матонат намунасини кўрсатмоқдасиз ва бутун халқимиз бунинг гувоҳи бўлмоқда. Шу кунларда Сизга нақадар қийин бўлаётганини ҳис қилиб, атрофингизда биз хаммамиз бирлашишга тайёрмиз!.. Туғилган кунингиз муборак бўлсин, жаноб Президент!», — дейилади Давлат филармонияси табрикномасида.
Қайд этишларича, мусиқани ижро этишда Ўзбекистон Миллий симфоник оркестрининг 55 кишилик жамоаси карантин қоидаларига амал қилган ҳолда иштирок этган.
Ушбу мусиқа 2018 йили композитор Адҳам Абдураимов томонидан «Жаноб Президент» фильми учун махсус ёзилган. «Жаноб Президент» фильми 2017 йил 24 июль куни — Президент Шавкат Мирзиёев 61 ёшга тўлганида Ўзбекистон телевидениеси орқали намойиш этилган эди.
Изоҳ (0)