Ўзбекистонда 24 июль соат 10:00 ҳолатига кўра, коронавирус инфекцияси қайд этилганлар сони яна 118 кишига кўпайиб, касалликка чалинганларнинг умумий сони 18 986 нафарга етди. Бу ҳақда Соғлиқни сақлаш вазирлиги хабар берди.

Янги касалланиш ҳолатларининг

• 64 нафари Тошкент шаҳрида;
• 31 нафар Самарқанд вилоятида;
• 18 нафари Тошкент вилоятида;
• 5 нафари Қорақалпоғистон Республикасида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Айни пайтда Ўзбекистонда 10 149 нафар коронавирус инфекциясига чалинган фуқаро (53 фоиз) соғайган. Соғлиқни сақлаш вазирлиги тақдим этиб келаётган статистика бўйича мамлакатда эпидемия бошланганидан буён 103 киши вафот этган. «Дарё» ҳисоби бўйича эса коронавирусдан вафот этганлар сони 108 нафарни ташкил этмоқда.

Ҳозирда мамлакатда 8 734 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 118 нафари оғир, 30 нафари эса ўта оғир аҳволда.