Telegram’да ва ижтимоий тармоқларда Тошкент шаҳрида коронавирус, бошқа касалликлар билан касалланганларни даволаш, аҳолига тез тиббий ёрдам кўрсатиш мақсадида янги реанимобиллар олиб келинаётгани ҳақидаги видеолар тарқалди.
Видеоларнинг бирида оқшом вақтида милтиллаб турувчи чироқлари, сиреналарини ёқиб манзил томон шошаётган янги реанимобиллар карвони акс этган.
Бошқа бир видео эса Самарқандда Isuzu D-Max пикаплари негизида ишлаб чиқарилган реанимобилларининг «Эркин» пости орқали пойтахтга олиб келинаётгани хусусида. Унда ҳам Тез тиббий ёрдам хизмати учун Самарқанддан келаётган машиналар карвони тасвирга олинган.
2020 йил 3 июлда Ўзбекистонда Isuzu D-Max пикаплари негизида тез ёрдам машиналари ишлаб чиқарилиши, 7 июлда Ўзбекистон коронавирусга чалинган беморлар учун яна 15 та янги реанимобил харид қилингани, 17 июлда Тошкент шаҳар ҳокимлиги коронавирусга қарши кураш учун ўпкани сунъий нафас олдириш аппаратлари ва Damas автомобиллари сотиб олгани ҳақида хабарлар берилган.
Ўзбекистон бош прокурори Ниғматилла Йўлдошев 15 июль куни Президент видеоселекторидан сўнг бундан буён 15 дақиқадан кўп бўлмаган вақтда зудлик билан тез тиббий ёрдам автомашиналари тегишли ходимлар билан етиб бориши тўлиқ таъминланишини айтган, шунингдек, фуқаролар 103 га мурожаат қилганда, бандлик ҳолатлари, айниқса узоқ вақт банд бўлиш ҳолатларига мутлақо чек қўйилишини билдирган.
Изоҳ (0)