Қатарнинг «Ас-Садд» клуби испаниялик ярим ҳимоячи Санти Касрола трансферини эълон қилди.
Аввалроқ 35 ёшли футболчи «Вильярреал» сафидаги сўнгги учрашувини ўтказиб, клуб ва мухлислар билан хайрлашганди.
Касорла фаолиятини Испания термасидаги собиқ жамоадоши Хави бошқарувидаги «Ас-Садд»да давом эттиришни хоҳлаган.
«Биз Санти Касорла билан келишувга эришдик. Яқин орада у қолган расмиятчиликларни якунлаш ва жамоага қўшилиш учун Доҳага етиб келади.
«Ас-Садд»га хуш келибсан, Санти!», — дейилади клуб баёнотида.
We have reached an agreement with Santi Cazorla. He will reach Doha soon to complete the formalities and join the team. Welcome to Al-Sadd, Santi!🖤🤍@19SCazorla @qatarairwaysar @pumafootball pic.twitter.com/9c2hEcRGy7
— 🏆 #81 Al Sadd SC | نادي السد (@AlsaddSC) July 20, 2020
Маълумот учун, профессионал фаолиятини «Вильярреал»да бошлаган Касорла кейинчалик «Малага»даги ўйинлари орқали танилди ва «Арсенал»га йўл олди. Лондонда уни сурункали жароҳатлар таъқиб қилди ва футболчи икки йилдан ошиқ вақтни майдондан ташқарида ўтказди. 2018 йилда Касорла «Вильярреал»га қайтди ва икки мавсумни кўтаринки руҳда ўтказди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)