Футбол бўйича Ўзбекистон Про-Лигаси мусобақаси 1 августга қадар қолдирилди. Бу ҳақда Профессионал футбол Лигаси (ПФЛ) матбуот хизмати маълум қилди.
Таъкиданишича, Про-Лига клублари Санитария-эпидемиологик осойишталик агентлиги (СЕОА) томонидан тавсия этилган йўриқнома шартларига риоя қилишда қийинчиликка дуч келмоқда. Шунингдек, ПФЛ аввалроқ «Динамо» ва «Хоразм» футболчилари коронавирус юқтириб олганликда гумон қилинганини сабаб ўлароқ келтириб ўтилган.
Яна бир сабаблардан бири сифатида UzReport-TV билан ўртадаги шартнома кўрсатилган. Аввалроқ ПФЛ ва телеканал Про-Лига ўйинлари трансляцияси борасида келишувга эришган. Унга кўра UzReport-TV 2020 йилнинг августидан лига ўйинларини жонли эфирга узатиши керак эди.
Мавзуга доир:
Бу орада ПФЛ ва UzReport учрашувлар тақвим режаси борасида ўзаро фикр алмашади. Яъни, Про-Лига учрашувларининг Европа футболи билан бир вақтга тўғри келиб қолмаслиги масаласи муҳокама этилади. Миллий терма жамоага Про-Лигадан жалб қилинадиган футболчилар сони камроқ эканидан келиб чиқиб, лига тақвимини қайта кўриб чиқиш масаласи Суперлиганики каби мураккаб бўлмайди», — дейилади ташкилот баёнотда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)