Тошкентнинг Юнусобод туманида жойлашган «Ўзэкспомарказ» кўргазма маркази майдонларида ташкил этилаётган коронавирусга чалингани гумон қилинган беморларга аниқ ташхис қўйиш ва касаллик даражасини аниқлаш, шунингдек, беморларга биринчи ёрдам кўрсатиш ва уларни клиникаларга тақсимлаш маркази 500 ўринга мўлжалланган.
«Gazeta.uz»нинг Тошкент шаҳар ҳокимлигидаги манбага асосланиб хабар беришича, бу Тошкент шаҳар ҳокими Жаҳонгир Ортиқхўжаевнинг ташаббуси бўлиб, вазият жуда оғирлашганида «Б режаси» бўлиши учун амалга оширилмоқда. Марказни ташкил этиш ва таъминлаш харажатлари бюджет маблағлари ҳисобидан қопланмайди.
Интернет-нашр томонидан эълон қилинган суратларда марказни кўздан кечириш учун Тошкент шаҳар ҳокими Жаҳонгир Ортиқхўжаев, Ўзбекистон бош прокурори Ниғматилла Йўлдошев ва Тошкент шаҳар прокурори Баҳриддин Валиев «Ўзэкспомарказ»га ташриф буюрганини кўриш мумкин.
Изоҳ (0)