Коронавирусга қарши кураш бўйича тезкор штабнинг 13 июль кунги маълумотларига кўра, Россияда сўнгги суткада коронавирусга чалиниш бўйича 6537 та янги ҳолат қайд этилди, деб хабар бермоқда Meduza.
Бир кун аввал 6615 та янги ҳолат аниқлангани хабар қилинганди. Коронавирус Россияда тарқала бошлаганидан бери касаллик қайд этилганларнинг умумий сони 733 699 нафарга етган.
Сўнгги суткада аниқланган касалланиш ҳолатларининг энг кўпи Москва (672 киши) ва Санкт-Петербург (291 киши) шаҳарларида ҳамда Ханти-Мансийск автоном округида (270) қайд этилган.
Шу куни Россияда коронавирус беморларининг 104 нафари вафот этган, эпидемия бошланганидан буён эса 11 439 киши вирус қурбони бўлган.
Мамлакатда сўнгги суткада 2960 киши тузалган. Соғайганларнинг жами сони 504 021 нафарни ташкил қилмоқда.
«Роспотребнадзор» берган маълумотларга кўра, Россияда коронавирусни аниқлаш бўйича сўнгги бир суткада 261 мингта тест ўтказилган бўлса, шу пайтга қадар ўтказилган тестлар сони 23,2 миллионтадан ошган.
Мамлакат коронсавирусга чалинганлар сони бўйича дунёда тўртинчи ўринда бормоқда.
Изоҳ (0)