Бугун,

  • USD 11095.31
  • RUB 173.84
  • EUR 10772.44

Хитойнинг Ўзбекистонга юборган тестларидан коронавирус юқаётгани ҳақидаги гаплар рад этилди. Бу ҳақда Санитария-эпидемиология назорати давлат инспекцияси бош инспектори Нурмат Отабеков АОКА штабидаги брифингда гапириб ўтди.

Мутахассис тест системаларининг ҳар хиллиги, баъзи бирларида сезгирлик бирмунча паст бўлиши мумкинлиги, касаллиги бор одамда баъзан манфий, касаллиги йўқ одамда баъзан мусбат натижа беришини таъкидлади. Шу сабабли Ўзбекистонда ишлатилаётган ҳар бир тест дастлаб сезгирлик жиҳатидан текширувдан ўтказилиб, ундан кейин ҳудудда ишлатилишига рухсат берилади.

«Касаллик ташхиси учун ишлатиладиган тест системаларидан касаллик тарқалиши умуман мумкин эмас. Агар бу ахборотни қаердандир олган бўлсангиз, бу асосланмаган ахборот», — дейди Отабеков.

Шу билан бирга, тест системаси вирусга ўта сезувчан реактив бўлиб, реактивга  вирусни жойлаштириб бўлмаслиги қайд этилди. Реактивдаги антитаналар вирусдаги антиген билан қўшилиш орқали яшаш имкониятидан маҳрум бўлади. Лаборатория натижалари ҳам мана шу икки антиген ва антитана ўртасидаги жараёнга асосланганлиги билдирилди.

Эслатиб ўтамиз, аввалроқ коронавирусга қарши кураш штаби 4 кун томоқни туз ва cирка билан чайиш ҳақидаги хабарни рад этган бўлса, Ўзбекистон соғлиқни сақлаш вазирлиги пиёз коронавирусни ўлдириши ҳақидаги хабарларни сафсата деб атаган, Бош давлат санитария инспектори саримсоқ пиёз ҳам антибактериал, ҳам антивирус препарат эмаслигини билдирган эди.

Изоҳ
Асосий янгиликлар
Маҳаллий
“Юксалиш” ҳаракати диний материаллар тарқатганлик айблови билан жавобгарликка тортилиш ҳолатлари учраётганига муносабат билдирди
Дунё
Ҳиндистонда поездлар тўқнашуви қурбонлари сони 230 кишидан ошди (фото)
Дунё
Зеленский Россияга санкцияларни четлаб ўтишда ёрдам бераётган давлатларга қарши очиқ кураш олиб боришга ваъда берди