«Бунёдкор» футбол клуби ўйинчиларидан бири коронавирус инфекциясини юқтириб олганликда гумон қилингани учун Coca-Cola Суперлиганинг 9-туридан ўрин олган «Бухоро» — «Бунёдкор» учрашуви номаълум муддатга қолдирилганди.
Шундан сўнг, Ўзбекистон профессионал футбол лигаси (ПФЛ) эҳтиёткорлик юзасидан 8-турда «Бунёдкор» билан куч синашган «Навбаҳор »футболчиларининг ҳам тиббий текширувдан ўтишини сўраган.
ПФЛнинг маълум қилишича, «Навбаҳор» футбол клуби 13 июль куни тиббий хулосалар бириктирилган расмий хатни ташкилотга тақдим этган. Унга кўра, «Навбаҳор» футболчиларида инфекция аниқланмаган.
Шундан келиб чиқиб, клубнинг 9-тур доирасидан ўрин олган «Қизилқум»га қарши учрашуви ўз вақтида бўлиб ўтади.
Мазкур беллашув 13 июль куни соат 20:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)