Аргентиналик ҳужумчи Лионель Месси «Барселона»даги вазият ва клуб ичида содир бўлаётган воқеаларга улкан таъсир ўтказа олади, бироқ футболчи ўз қудратидан тўлақонли фойдаланмаяпти, дея хабар қилмоқда The Athletic.
«Агар Лео хоҳласа осонликча қуйидаги гапларни айтиши мумкин: ‘Жамоага янги президент ва мураббий керак’. Мессининг қўлида «қизил тугма» бор, бироқ Лео уни босмаяпти», — дейди вазиятга яқин манба.
Эслатиб ўтамиз, Хосеп Бартомеу бошчилигидаги «Барселона» раҳбариятининг айни дамдаги сиёсати мухлисларга маъқул келмаяпти. Сўнгги вақтларда жамоа ичида бир нечта муаммоли ҳолатлар юз берди. 2021 йилда «Барселона» клубида президентлик сайловлари бўлиб ўтади.
«Барселона» академияси тарбияланувчиси ҳисобланган Месси 2003 йилдан буён асосий жамоа сафида тўп суриб келади. Аргентиналик футболчи жорий мавсум Ла Лигада 30 ўйин ўтказиб, 22 гол ва 21 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!