Оиласи бир неча соат аввал бедарак йўқолганини эълон қилган Сеул шаҳри мэри Пак Вон Сун шаҳарнинг шимолий қисмида ўлик ҳолда топилди. Бу ҳақда Yonhap агентлиги полиция маълумотига таяниб хабар қилган.
Пак Вон Суннинг ўлимига нима сабаб бўлганига аниқлик киритилмаган.
Мэрнинг йўқолгани ҳақида унинг қизи полицияга хабар берган, Пак Вон Сун уйдан чиққанидан кейин мобил телефонини ўчириб қўйган ва оила аъзоларига бу ишни ўз хоҳиши билан қилаётгани ҳақида хабарнома юборган.
Пак Вон Сун Сеулни 2011 йилдан бери бошқарган ва Жанубий Кореянинг энг таниқли сиёсатчиларидан бири ҳисобланарди. У 2022 йилда бўлиб ўтадиган президентлик сайловларида либераллар томонидан номзод сифатида кўрсатилиши мумкинлиги тахмин қилинаётганди.
Аввал Хитойнинг CGTN нашри Пак Вон Суннинг вафот этгани ҳақида хабар берган. Бироқ Жанубий Корея полицияси мэрнинг ўлик ҳолда топилгани ҳақидаги хабарни рад этган.
2020 йил 17 майда Хитойнинг Исроилдаги элчиси Ду Вэй Тель-Авив шимолидаги Герцль шаҳрида ўз резиденциясида ўлик ҳолда топилгани хабар қилинганди.