Футбол бўйича Ўзбекистон Coca-Cola Суперлигасининг 8-туридан ўрин олган икки ўйин 6 июль, душанба куни бўлиб ўтди.
«Насаф» ўз уйида «Металлург»ни қабул қилди. Учрашувда кичик устунлик қаршиликлар томонида бўлди, бироқ меҳмонлар ҳимояда ишончли ҳаракат қила олди. Барчаси дуранг томон кетаётган бир вақтда Акмал Мозговой ҳакам томонидан қўшиб берилган вақтда «Насаф»га ғалаба келтирган голни урди.
Шу тариқа Рўзиқул Бердиев шогирдларининг тўрт ўйинлик ғалабасиз сериясига нуқта қўйилди. «Насаф» очколарини 15 тага етказиб олган ҳолда 4-ўринга кўтарилди. «Металлург» (13) эса 6-поғонага тушиб кетди.
Параллел баҳсда «Қизилқум» ва «Андижон» жамоалари ўзаро баҳс юритди. 69-дақиқада мезбонлар Шерали Жўраевнинг голидан кейин олдинга ўтиб олди. Ҳакам томонидан қўшиб берилган вақтда Сирож Мелиев мувозанатни тиклашга муваффақ бўлди.
«Андижон» 5 очко билан 11-ўринга кўтарилган бўлса, «Қизилқум» (2) 13-ўринга қолди.
Coca-Cola Суперлига
8-тур баҳслари
6 июль, душанба
«Насаф» — «Металлург» 1:0
Гол: 1:0 – 90+2 Мозговой.«Насаф»: 21.Машҳур Муҳаммаджонов, 4.Ҳусниддин Алиқулов, 5.Ғолиб Ғайбуллаев (15.Жўрабек Маннонов), 7.Дилшод Раҳматуллаев (22.Акмал Мозговой), 10.Бобур Абдухолиқов (18.Жавоҳир Эсонқулов), 14.Шароф Муҳитдинов (6.Муродбек Хўжамбердиев), 20.Ислом Кенжабоев (19.Ҳусаин Норчаев), 34.Шерзод Насруллаев, 77.Ойбек Бозоров, 88.Марко Станоевич, 92.Умар Эшмуродов.
«Металлург»: 12.Александр Лобанов, 5.Аббосжон Отахонов, 7.Дониёр Нарзуллаев, 8.Саламат Қутибоев, 10.Шаҳзод Убайдуллаев (11.Муродбек Бобожонов), 21.Камолиддин Тожиев, 23.Абдураҳмон Абдулҳақов, 27.Ихтиёр Тошпўлатов, 28.Станислав Андреев, 55.Акбар Исматуллаев, 88.Евгений Чумак (77.Муҳаммад Исаев).
Огоҳлантиришлар: Қуттибоев (6), Абдулҳақов (59), Лобанов (90+3).
«Қизилқум» — «Андижон» 1:1
Голлар: 1:0 – 69 Жўраев, 1:1 – 90+1 Мелиев.«Қизилқум»: 22.Артём Макосин, 5.Абди Башимов, 8.Руслан Маргиев, 10.Алишер Саноев (7.Везиргели Илясов, 70), 17.Салим Мустафоев, 21.Муҳсин Убайдуллаев, 23.Шерали Жўраев (15.Воҳид Шодиев, 70), 75.Олег Толмасов, 77.Суннатилла Абдуллажонов, 94.Дониёр Усмонов (11.Қадамбой Нурметов, 41), 99.Достон Ибрагимов (29.Маккартни Навесеб, 84).
«Андижон»: 71.Исломбек Абдуллаев, 4.Фарҳод Мираҳматов, 7.Жамшид Ҳасанов, 8.Фарҳод Бекмуратов, 9.Эммануэль Аривчукву, 14.Мишел Ибе, 17.Абдулло Олимов (25.Қаҳрамон Баҳодиров, 75), 22.Усмонали Исмоналиев (5.Хушнудбек Авилов, 75), 23.Тимур Усмонов (10.Артём Литвяков, 80), 77.Жаҳонгир Абдумўминов (11.Сирож Мелиев, 75), 88.Дмитро Зозуля.
Огоҳлантиришлар: Исмоналиев (18), Аривчукву (22).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)