Леонардо Ди Каприо
Голливуд юлдузи Леонардо Ди Каприо ўзига хос маҳорати ва истеъдоди билан нафақат мухлислар, балки кинотанқидчиларнинг ҳам эътирофига сазовор бўлган. Актёр турли жанрдаги образларни гавдалантиришда бор маҳоратини ишга солади ва ҳар танлаган ролини маромига етказади. «Титаник», «Шоввоз Гетсби», «Ибтидо», «Эпласанг, ушлаб ол», «Лаънатланганлар ороли», «Бир куни Голливудда» ва бошқа бир қанча фильмларни томоша қилиб, актёрга тасанно айтиш мумкин. «Омон қолган» фильмидаги ижроси учун узоқ кутилган «Оскар» мукофотини қўлга киритган актёр иштирок этган барча лойиҳалар муваффақиятга эришиши аниқ.
Жейк Жилленхол
Жейк ҳам турли-туман ролларни қойиллатиб ижро қиладиган актёрлардан бири ҳисобланади. «Букри тоғ» фильмидаги ролидан кейин танилган актёр бир қанча лойиҳаларда иштирок этиб, омадли натижа қайд этилишига сабабчи бўлган. Танлаган ролларига назар ташлаб, унинг роль танлаш борасида диди чакки эмаслигини билиш мумкин. Айниқса, «Форс шаҳзодаси» фильмидаги ижросини Жилленхолнинг энг муваффақиятли ролларидан бири деб аташ мумкин.
Хоакин Феникс
«Joker» фильмидаги ижросидан кейин «Оскар»га сазовор бўлган Феникс бунга қадар ҳам эсда қоларли ва омадли фильмларда суратга тушган. Император Коммод, Жонни Кеш ва бошқа фильмлардаги қаҳрамонларни гавдалантирган актёр ҳар қандай лойиҳанинг муваффақиятини таъминлайди.
Уилл Смит
Сўнгги вақтларда кўп суратга тушмаётгани Уиллнинг бир неча ўн йиллар давомида энг яхши актёрлардан бири бўлганини инкор этолмайди. Унинг ижросидаги 2002 ва 2013 йилларда суратга олинган фильмлар 150 миллион доллардан кам бўлмаган даромад олиб келган. Арсеналидаги роллар мақтовга арзигулик бўлса-да, актёр ҳали бирон марта ҳам нуфузли киномукофотни қўлга киритмаган.
Дэниел Дэй-Льюис
Ушбу рўйхатдан Дэниелнинг ўрин олмаслиги мумкин эмас. Чунки у ижро қилган фильмнинг муваффақиятли чиқиши аниқ. Актёр арсеналида атиги 20 та фильм бўлишига қарамай, у «Энг яхши актёр» номинацияси бўйича уч маротаба «Оскар» мукофотига лойиқ кўрилган. Дэниел ролларни чертиб-чертиб танлагани учун ҳам унинг ижросидаги фильмларни камдан кам кўриш мумкин. Масалан, у сўнгги 20 йил ичида атиги 6 та фильмда суратга тушган ва ижроси учун 4 марта «Оскар»га номзоди қўйилган.
Изоҳ (0)