Футбол бўйича Ўзбекистон Coca-Cola Супрелигасининг 7-тур учрашувлари 1 июль, чоршанба куни старт олади.
1 июль куни учта учрашув бўлиб ўтади ва уларнинг барчаси 19:00 да старт олади.
«Локомотив» ўз майдонида «Қизилқум»ни қабул қилади. Ушбу жамоалар шу вақтга қадар ўзаро 30 марта тўқнаш келган. Уларнинг 17 тасида «темир йўлчилар»нинг қўли баланд келган бўса, 7 тасида навоийликлар ғалаба қозонган. Олти ўйин дуранг қайд этилган. Андрей Фёдоров жамоаси кетма-кет учта ўйиндан буён мағлубиятга учрамоқда. «Қизилқум» эса 1 очко билан сўнгги ўринда бормоқда.
«Бунёдкор» эса «Андижон» меҳмони бўлади. Ўзаро ўйинларда «Андижон» бирор марта ҳам ғалаба қозона олмаган. Жамоалар шу кунга қадар 20 марта ўзаро ўйин ўтказган. 15 та баҳсда «Бунёдкор» ғалаба қозонган ва яна 5 учрашув дуранг билан якун топган.
Яна бир ўйин Қўқонда «Қўқон-1912» ва «Машъал» жамоалари ўртасида кечади. Жамоалар шу вақтга қадар 12 марта ўзаро баҳс юритган. Уларнинг 7 тасида муборакликлар устун келган бўлса, икки ўйин Қўқон шаҳри жамоаси фойдасига ҳал бўлган. Уч ўйинда муроса йўли танланган.
Турнинг қолган учрашувлари 2 июль, пайшанба куни бўлиб ўтади. Барча учрашувлар МТРК телеканалларида жонли эфирга узатилади.
Coca-Cola Суперлига
7-тур баҳслари
1 июль, чоршанба
19:00 «Локомотив» — «Қизилқум»
19:00 «Андижон» — «Бунёдкор»
19:00 «Қўқон-1912» — «Машъал»
2 июль, пайшанба
19:00 «Бухоро» — «Металлург»
20:00 «Пахтакор» — «Сурхон»
20:00 «Навбаҳор» — «Сўғдиёна»
20:00 ОКМК — «Насаф»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)