Соғлом тишлар овқат ҳазм бўлиши, гўзал табассум ва саломатлик гарови ҳисобланади. Уларнинг саломатлиги истеъмол қилинадиган маҳсулотлар ва улар таркибидаги моддалар билан узвий боғлиқ. Қандай маҳсулотлар тишларнинг соғлом бўлишида аҳамиятли? Қуйида ушбу саволга жавоб берамиз.
Сабзавотлар
Тиш ва милкларнинг саломатлиги учун кальций, клечатка, магний, фтор, фосфор ва витаминларга бой маҳсулотлар истеъмол қилиш зарур. Рационга гулкарам, сабзи, булғор қалампири ва бодрингдан тайёрланган таомларни киритиш ёки уларни барра ҳолида танаввул қилиш керак. Ушбу маҳсулотлар, таркибида шакар миқдори кам экани, тиш сиртининг тозалаши ва оғиздаги кислота балансини меъёрда ушлашга ҳисса қўшиши билан аҳамиятли.
Сут маҳсулотлари
Сут маҳсулотлари —тиш ва суякларининг мустаҳкам бўлиши ва мўртлашмаслигини олдини олишда аҳамияти беқиёс бўлган кальцийнинг кони ҳисобланади. Кальцийнинг тез сингиши натижасида организм витамин D га тўйинади. Сут, йогурт, қатиқ ва пишлоқ таркибида кислота кам, фосфор ва магний миқдори эса юқори бўлади. Қолаверса, бу маҳсулотлар таркибида фосфат, казеин ва яллиғланишни олдини олиш хусусиятига эга микроэлементлар мавжуд.
Кўк чой
Ичимликлардан бактерияларга қарши таъсир кучига эга, кариеснинг олдини олиш, тиш эмалини ҳимоя қилиш, милкни мустаҳкамлаш хусусиятига эга бўлган кўк чой ичиш тавсия қилинади.
Изоҳ (0)