Нью-Йорк губернатори Эндрю Куомо АҚШ президенти Дональд Трампни ўрнак кўрсатиб, янги касалланиш ҳолатларининг олдини олиш учун ниқоб тақишга чақирди. Бу ҳақда The Guardian хабар бермоқда.
Оқ уй раҳбари омма олдида мунтазам ниқобда пайдо бўладиган АҚШ вице-президенти Майк Пенсдан фарқли равишда, ўз сайловолди кампанияси доирасида штатларга ва корхоналарга ташрифи вақтида ниқоб тақишдан намойишкорона бош тортмоқда.
«Биз буни штатимизда икки ой аввал қилганмиз», — деб айтган Куомо ва авваллари шифокорлар тавсияларига қулоқ солмай, ниқоб тақишга қарши чиққан бошқа штатлар губернаторларининг ўзи ҳозирда аҳолидан уларни тақишни талаб қилаётганини қўшимча қилган.
Аввалроқ Оқ уй расмий вакили Кейли Макинани АҚШ президенти ниқоб тақишни «ҳар бир америкаликнинг шахсий иши» деб ҳисоблашини ҳамда юқори лавозимли сиёсатчилар ва хорижий етакчилар билан суҳбатда ниқобда бўла олмаслигини айтганини билдирган.
Бу орада Канзас штати губернатор Лора Келли аҳолидан жамоат жойларида ниқоб тақишни талаб қилувчи фармойишни имзолаишини билдирган. 3 июлдан кучга кирадиган ҳужжатга кўра, дўконларда ҳамда 6 футлик (1,83 метр) ижтимоий масофага риоя қилиш имкони бўлмаган ҳар қандай жойда ниқоб тақиш шарт бўлади.
Изоҳ (0)