Юз терисида муаммолар пайдо бўлишининг 5 сабаби

Қандай одатлар терида муаммо кузатилишига олиб келади? Қуйида ушбу саволга жавоб берамиз.

Юзга қўл билан тегиш

Қўл микробларнинг кони ҳисоблангани сабаб ҳам юзга тегиш тавсия қилинмайди. Чунки бунинг оқибати юзда яллиғланиш, тошма ва ҳуснбузарлар пайдо бўлиши мумкин.

Қуёш нуридан сақловчи воситалардан фойдаланмаслик

Кўпчилик булутли ҳавода қуёшдан сақловчи крем суртишнинг кераги йўқ деб ўйлайди. Аслида эса булут орқали ўтган қуёш нури ҳам терига таъсир ўтказади. Бундан ташқари, жазирама кунларда қуёшда тобланишда ҳам эътиборли бўлиш, ошириб юбормаслик керак. Чунки терининг эрта қариши, ажин тушиши кузатилиши мумкин. Шуни инобатга олган ҳолда қуёшдан сақловчи шляпа ёки кепка кийиш, SPF кремдан фойдаланишни канда қилмаслик тавсия қилинади.

Пиллинг қилмаслик

Юзнинг ўлик тери ҳужайралари тозаланиб турмаслиги носоғлом кўринишга сабабчи бўлади. Юз пораларининг очилиши, тозаланиши эса юзни тиниқ ва соғлом кўрсатади.

Таомномага эътиборсизлик

Ҳар қандай истеъмол қилинган маҳсулот саломатлик, хусусан, ташқи кўринишга таъсир этмай қолмайди. Терингиз соғлом ва чиройли кўринишини истасангиз оқ ун ва шакарли маҳсулотларни рационингиздан қисқартиринг, спиртли ичимликлардан воз кечинг ва кўпроқ суюқлик ичинг.

Зарарли одатлар

Ичиш, чекиш ва бошқа ҳар қандай зарарли одат ташқи кўринишда акс этиб, ёшга нисбатан катта ва носоғлом кўринишга сабабчи бўлади. Энг аввало саломатлик, шунингдек, ташқи кўринишингиз учун ҳам бундай одатларни ташлаб, тўғри турмуш тарзига риоя қилинг, спорт билан шуғулланинг.