Ўзбекистонда 26 июнь куни яна 125 киши коронавирусдан соғайди ва касалликдан тузалганлар сони 5000 нафардан ошди. Бу ҳақда Соғлиқни сақлаш вазирлиги хабар бермоқда.
Касалликдан тузалганларнинг
- 87 нафари Тошкентда (Вирусология илмий-текшириш институти клиникасида 18 нафар, Эпидемиология, микробиология ва юқумли касалликлар илмий-текшириш институти клиникасида 14 нафар, Тошкент тиббиёт академиясининг кўп тармоқли клиникасида 14 нафар, шаҳар 1-сон клиник шифохонасида 34 нафар, шаҳар 3-сон туғруқ мажмуасида 7 нафар);
- 19 нафари Қашқадарё вилоятида;
- 14 нафари Навоий вилоятида;
- 5 нафари Қорақалпоғистон Республикасида соғайиб, ўз уйига кузатилди.
Қорақалпоғистон Республикасида касалликдан тузалганлар сони 141 нафарга етди. Ушбу ҳудудда 2 нафар бемор қолди.
Эндиликда Қашқадарё вилоятида инфекциядан фориғ бўлганлар сони 42 нафарни ташкил этмоқда.
Навоий вилоятида эса коронавирус инфекциясидан тузалганлар сони 237 нафарга етди.
Аввалроқ Тошкент шаҳрида 36 нафар бемор касалликдан соғайгани хабар қилинганди. Шундай қилиб, 26 июнь куни шу соатгача 161 нафар коронавирус инфекциясига чалинган бемор тузалиб, ҳозирда Ўзбекистон бўйлаб соғайганлар сони 5038 нафарни ташкил этмоқда.
Эслатиб ўтамиз, Ўзбекистонда 26 июнь соат 17:00 ҳолатига кўра, 7320 кишида коронавирус аниқланган, беморларнинг 20 нафари касаллик асоратларидан вафот этган.
Изоҳ (0)