«Бу кунларни душманимга ҳам раво кўрмайман...» Иликлари ишламаётган Диёрбек саховатли инсонларнинг ёрдамига муҳтож

Диёрбек Аббосов 2007 йил 2 мартда Наманган шаҳрида туғилган. Бир йилдан буён апластик анемия касаллиги билан оғриб келмоқда.

«Август ойида боламга апластик анемия ташхиси қўйилди. Ишонмай Тошкентда қайта текширувдан ўтказдик. Шифокорлар, ҳақиқатан, ўғлимнинг иликлари ишламаётганини, ҳозир бундай касалларга «Атгам» уколи қилинаётганини айтишди.

Суриштирсак укол хорижда ишлаб чиқарилар, бир пачкаси 12 миллион сўм тураркан. Майли, болам тузалса бўлди, деб йиғиб терганларимизни қўшиб, етмаганига қариндош-уруғлардан қарз олиб, 50 миллион сўмга Америкадан тўрт пачка сотиб олдик. Уколни олгандан кейин ўғлимнинг яна иликлари ишлаб кетди. Бироқ яна касаллик қайталанди. Болажонимни бошқаларнинг қони билан олти ой асраб келдик.

Даволовчи врачимиз сизларга таъсири бўлмади, яна битта оламиз дейишди. Гормон ҳисобига болани вазни ошган. Энди дори 60 миллион сўмга тушаркан. Боримизни сотиб, қариндош-уруғлардан, дорихоналардан қарз олиб, яна шу уколни сотиб олдик. Афсуски, бу яна олти ой давомида қайталаниши мумкин экан.

Ҳозир 5 миллион сўмдан «Револойид», 1 миллион сўмдан «Нерал» дорисини оляпмиз. Боламга яна қон қуйдиришим керак. Бу 2 миллион сўмдан тушяпти, ҳозирча.

Операция қилдириш учун Туркиядаги мутахассислар билан гаплашсак, турк клиникасида 90 минг долларга операция қилишаркан. Агар донор ўзимиздан бўлса, акаси ёки укасини олиб боришимизни ва 70 минг доллар бўлишини айтишди.

Бир йилдан бери касаллик силламизни қуритиб қўйди. Оддий гапириб ҳам йиғлаворадиган бўлиб қолдим. 3 кун уйда бўлсак, 10 кун Гематология шифохонасида ётамиз. Бир йилдан бери шу аҳвол. Айни пайтда яхши инсонларнинг ёрдамига жуда-жуда муҳтожмиз», — дейди биз билан суҳбатда Диёрбекнинг онаси Иқболой Жабборова.

Биз барча юртдошларимиздан Диёрбек Аббосовнинг соғайиб кетишида ёрдам беришларини сўраб қоламиз.

Диёрбек Аббосовга хайрия қилишни истаганлар учун керакли маълумотлар:

Пластик карта орқали: (Click, Payme)

Онаси Иқболой Жабборова номидаХалқ банки:8600 0609 5875 3809

Россиядаги саховатпеша юртдошларимиз учун беморнингқариндоши Ёқутхон Мамажонова номида

Сбербанк VISA:4276 3801 5170 2078

Paynet рақам+998907537737

Беморнинг онаси Иқболой опанинг телефон рақами:

+998941754220

Отаси Шухратбек:

+998999134220