Маникюр узоқ туриши учун нима қилиш керак?

Аёл кишининг нафақат ички дунёси, балки ташқи қиёфаси ҳам гўзал бўлиши керак. Хунук аёл бўлмайди, шунчаки ўзига эътиборсиз аёл бўлади, деган гапда ҳам жон бор.

Гўзаллик фақатгина макияж қилиш билан ўлчанмайди, ювилмаган сочлар, ёмон ифор ва бетартиб тирноқлар аёл киши ҳақида етарлича таассурот беради. Тирноқ тартибли кўриниши учун аслида ортиқча харажат қилишнинг кераги йўқ. Озгина эътибор ва ҳафсала бўлса бўлгани. Маникюр узоқ вақтга етиши учун нима қилиш керак? Қуйида ушбу саволга жавоб берамиз.

Тери учун фойдаланадиган воситангиз таркибини диққат билан ўрганинг, минерал ёғ ва кимёвий компонентларга бойми ёки йў​қ кў​здан кечиринг. Аслида тирноқ четидаги тери учун мўлжалланган, шафтоли ва атиргул баргининг ёғлари мавжуд, лекин сиз уйингизда бор бошқа бир косметик ёғдан альтернатив сифатида ҳам фойдаланишингиз мумкин.

2. Ҳафтада бир марта тирноқ четида ўсадиган терини махсус маникюр таёқчаси орқали тартиблаб туринг.

Бу вақтда эҳтиёткор бўлишга, тери ва тирноқни зарарламасликка ҳаракат қилинг. Иложи бўлса, душ қабул қилганингиздан кейин тозаланг. Бу вақтда тери юмшагани сабаб тартибга келтириш осон бўлади.

3. Мустақил равишда маникюр қилишдан аввал, мутахассисдан маслаҳат олинг.

Биринчи мартада ўзбошимчалик қилманг. Юзингиз, терингиз сингари тирноқларингиз кўриниши учун вақт ажратинг. Маникюрнинг қанча узоқ туриши, сизга ва мастерга боғлиқ. Кўпинча 3 ҳафтада маникюрни янгилашга тўғри келинади.

4. Терингизни қуёш нуридан сақланг.

Ёзда қуёш нури таъсирида қўл терисининг эрта қаришини олдини олиш мақсадида SPF воситалардан фойдаланишни канда қилманг. Ультрабинафша нурлари тери саломатлиги ва кўринишига таъсир қилишини ёддан чиқарманг.