Наманган вилоятида фермер хўжалиги раҳбари фуқарога 2 гектар ер ажратишни ваъда қилиб, ундан минг АҚШ доллари ва 10 миллион сўм маблағни олган вақтида қўлга олинди. Бу ҳақда Бош прокуратура матбуот хизмати «Дарё»га маълум қилди.
Хабарга кўра Бош прокуратура ҳузуридаги департаментнинг Наманган вилоят бошқармаси томонидан ДХХ ходимлари билан ҳамкорликда ўтказилган тезкор тадбирда Наманган туманида фаолият юритувчи «А.Н.» фермер хўжалиги раҳбари А.С. фуқаро А.Х.нинг ишончига кириб, уни алдаб, фермер хўжалигининг 2 гектар ер майдонида тадбиркорлик фаолиятини юритиш учун танишлари орқали ҳужжатларни расмийлаштириб бериш эвазига 1000 АҚШ доллари ва 10 миллион сўмни олган вақтида ашёвий далил билан ушланган.
А.С.га нисбатан Жиноят кодексининг 168-моддаси 1-қисми (Фирибгарлик) ва 28, 211-моддаси 1-қисми (Пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Наманганда хўжалик ерини 14 минг долларга боғдорчилик учун ажратиб бермоқчи бўлган фермер хўжалиги раҳбари ушланди
- Наманганда 4 млн сўм эвазига хорижга чиқиш паспортини тўғрилаб беришни ваъда қилган Туркия фуқароси ДХХ томонидан қўлга олинди
- ДХХ 5 минг доллар эвазига консерваторияга ўқишга киритиб қўйишни ваъда қилган лицей ўқитувчисини қўлга олди
- Андижонда кадастр ходимининг 7800 доллар пора билан қўлга тушиши ортидан филиал раҳбари ишдан олинди
Изоҳ (0)