«Реал» ҳужумчиси Карим Бензема Instagram’даги саҳифасига ўзининг 2,5 миллионлик Bugatti Chiron автомобилининг янги фотосуратини жойлаштирди.
Франциялик форвард ушбу автомобилни 2018 йилда сотиб олган, худди шу нусхадаги машина «Ювентус» ҳужумчиси Криштиану Роналдуда ҳам бор.
Bugatti Chiron 2,5 сонияда 100 км/соат тезликда, 6,5 сонияда 200 км/соат тезликда, 13,5 сонияда эса 300 км/соат тезликка чиқа олади. Автомобильнинг максимал тезлиги — соатига 420 километрни ташкил қилади.
Таъкидлаш жоизки, Бенземанинг гаражида бундан ташқари яна бир нечта қимматбаҳо машиналар бор, улар орасида Lamborghini Aventador, Bugatti Veyron Pur Sang, Mercedes SLR McLaren, Mercedes AMG G63, Lamborghini Urus, Rolls-Royce Cullinamва Ferrari 488 Spider’ни кўриш мумкин.
Бензема жорий мавсумда Ла Лига баҳсларида 26 бор майдонга тушиб, ўз ҳисобига 14 та гол ва 6 ассист ёздириб қўйган. Унинг Мадрид клуби билан амалдаги келишуви 2022 йилгача амал қилади.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)