Самарқанд вилояти юқумли касалликлар шифохонасида навбатдаги 5 нафар коронавирусга чалинган бемор 4 июнь куни соғайиб, реабилитацияга кузатилди, деб хабар бермоқда ССВ матбуот хизмати.
Қайд этилишича, тузалганларнинг барчаси вилоятнинг ўзидан. Уларнинг 2 нафари эркак, 3 нафари аёл бўлиб, ёши каттаси 42 ёшда, ёши кичиги 15 ёшда.
Ҳозирда вилоятда жами касаллик қайд этилганлар сони 364 нафарни ташкил этмоқда. Бугун 5 нафар бемор тузалди ва жами соғайганлар 314 нафарга етди. Даволанаётганлар сони эса 48 нафарни ташкил этмоқда.
Бугун Қорақалпоғистонда 4 киши, Тошкентда 64 киши коронавирусдан соғайиб чиққанди. Шундай қилиб, бугун 73 нафар бемор тузалиб, Ўзбекистон бўйлаб коронавирусдан соғайганлар 3 087 нафарга етди.
Касалланганларнинг умумий сони эса 4 июнь соат 17:00 ҳолатига кўра, 3 909 кишини ташкил қилмоқда, беморларнинг 16 нафари коронавирус инфекцияси асоратлари оқибатида вафот этган.
Изоҳ (0)