Роналду ёки Месси? Томас Мюллер танловини маълум қилди

«Бавария» ҳужумчиси Томас Мюллер жаҳон футболи юлдузларидан ким билан бир жамоада ўйнашни хоҳлаши тўғрисидаги саволга жавоб берди.

«Эҳтимол, ортда қолган йилларда Лионель Месси билан ўйнашни хоҳлаган бўлардим, чунки фаолиятимнинг дастлабки 6-7 йилида мен кўпроқ ҳужумчи эдим. Ҳозир ҳам жуда яхши формадаман, асосан шерикларимни тўп билан таъминлаяпман. Балки, ҳозир Криштиану Роналду билан бир жамоада ўйнаганим маъқулдир. Аммо «Бавария»да Роберт Левандовски бор. Менимча, ҳозир у Роналдудан яхшироқ вариант.

Мен Месси ва Роналдуга қарши ўйнаганман. Уларнинг ўзига жиҳатлари бор, одатий яхши футболчилардан ажралиб туради. Улар етук футболчилардир. Чунки иккиси доимо юқори даражада ўйнайди», — дейди Мюллер.

Томас Мюллер «Бавария» тарбияланувчиси ҳисобланади. У 2008 йилдан бери Мюнхен клубида тўп суриб келади. Шу йилнинг апрель ойида у амалдаги шартномасини 2023 йилнинг 30 июнигача узайтирди. Жорий мавсумда Мюллер Германия чемпионатида 29 ўйин ўтказиб, 7 та гол урган ва 18 та голга ассистентлик қилган.

Левандовскидан ажойиб пас, Мюллердан эса якунловчи зарба