Дастин Порье: Гэтжи Фергюсонни нокаутга учратишини жангдан 1,5 ой аввал айтганман

Америкалик UFC жангчиси Дастин Порье анча вақт олдин Тони Фергюсон ва Жастин Гэтжи ўртасидаги жангда Гэтжининг нокаут эвазига ғолиб чиқишига ишонганини айтди.

«Жангдан бир ярим ой аввал башорат қилгандим ва унда Жастин Тонини нокаутга учратишини айтгандим. Барча мени ҳейтерга (кимнидир ёмон кўрувчи шахс) чиқарди. Жастин устидан ғалаба қозонганим сабаб унинг ютуғига ишонаётганимни таъкидлашди. Бироқ аслида ҳаммаси бошқача. Шунчаки у Тони учун ноқулай рақиб.

Уларнинг жанги мени ҳайрон қолдирмади. Биргина ҳайрон қолдирган жиҳат — Тонининг шунча вақт туриб бергани», — дейди Порье.

Эслатиб ўтамиз, 10 май куни бўлиб ўтган UFC 249 мусобақасининг асосий жангида Гэтжи Фергюсонни 5-раундда нокаутга учратган ҳолда енгил вазн тоифаси вақтинчалик чемпионига айланди. Эндиликда Жастин мазкур тоифа чемпиони Ҳабиб Нурмагомедов билан жанг қилиш учун асосий даъвогарга айланди.

Мавзуга доир: 

• Тони Фергюсон ижросида муддатидан аввал якунланган топ-6 жангни томоша қилинг. Тонининг рақибларига осон бўлмаган (видео)
• Дастин Порьенинг навбатдаги рақиби ва жанги санаси маълум бўлди