Бу йил ёзда матоли шляпа — панамалар етакчилик қилади (фото)

Панама (матодан тикилган шляпа) 2020 йил ёзида, бошқа аксессуарлардан етакчилик эстафетасини олиб улгурди. Michael Kors ва Koché, классик услубдаги, Fendi ва Anna Sui эса турли принтли панамалар билан коллекцияларини бойитди.

Мода оламига бефарқ бўлмаганлар гардеробидан аллақачон ўрин олган панамалар, соҳилга, пик-ник ёки кундалик сайрга кийиш мумкинлиги билан аҳамиятли.

Айниқса, oversize услубидаги, сокин рангли бош аксессуари, street style ихлосмандлари учун энг севимли деталга айланди. Унинг юмшоқ матодан тикилгани ва шу билан бирга қуёшдан ҳимоялаши нафақат аёл-қизлар балки эркакларга ҳам маъқул келди.

Панамаларнинг турли моделлари мавжуд бўлиб, уни қай бирини танлаш хоҳишингиз ва гардеробингизда асосан қандай услубдаги либослар ў​рин олганига боғлиқ.