Англиянинг Ковентри шаҳрида яшовчи эркак ички овоз туфайли миллионерга айланди, деб ёзади Daily Mail.
31 ёшли электрик Саймон Уоддап озиқ-овқат маҳсулотлари олишга кетаётганида бошидаги овоз унга лотерея сотиб олишни маслаҳат берган. Британиялик 2,5 фунтга лотерея чиптасини сотиб олган.
Эркак аввал ҳам бир неча бор лаҳзалик лотерея сотиб олгани, бироқ ютуқ чиқмагани ҳақида гапирган.
Эрталаб Уоддапга миллий лотерея ташкилотчиларидан хабар келган. Унда эркакнинг бир миллион фунт соҳибига айлангани ҳақида ёзилган эди. Уоддап кўзларига ишонмай қўнғироқ қилган.
Эркак пул ютиб олганинини биринчи бўлиб 10 ёшли қизига айтган. Қизча отасидан энди хорижга чиқиш паспортини олиб, саёҳатга борсак бўладими, деб сўраган.
Уоддап ютиб олган пулига ўзи ва қизи учун янги кийим ва қаҳва қайнатгич сотиб олишни режалаштирмоқда. Шунингдек қизининг орзусини рўёбга чиқариб, уни Испанияга саёҳатга олиб боришини айтган.
Изоҳ (0)