Ўзбекистонда 2020 йил 1 январь ҳолатига кўра, 14 ёшгача бўлган жами болалар сони 9 870 276 нафарни ташкил этган. Бу ҳақда Давлат статистика қўмитаси маълум қилди.
Хабар берилишича, 14 ёшгача бўлган 9 870 276 нафар боланинг 5 112 470 нафари ўғил болалар бўлса, 4 757 806 нафари қиз болалар ҳисобланади.
Республикада 14 ёшгача бўлган ўғил-қизларнинг 4 559 212 нафари шаҳарда, 5 311 064 нафари эса қишлоқ жойларда яшайди.
Аввалроқ Президент Шавкат Мирзиёев бола ҳуқуқларини ҳимоя қилишни такомиллаштириш тўғрисидаги қарорга имзо чекканди. Қарорга кўра, Омбудсман ўринбосари — Бола ҳуқуқлари бўйича вакилнинг ваколатлари Омбудсманнинг ваколатлари билан тенглаштирилган.
Изоҳ (0)