ИИВ Тергов департаменти «Авто 60 ой» МЧЖ мансабдор шахсларига нисбатан қўзғатилган жиноят иши билан боғлиқ тергов ҳаракатлари якунланганини маълум қилди.
«Авто 60 ой» МЧЖнинг мансабдор шахслари ва бошқаларга нисбатан 2019 йил 12 октябрь куни Жиноят кодексининг 188-1-моддаси 1-қисми (Пул маблағларини ва (ёки) бошқа мол-мулкни жалб этишга доир ноқонуний фаолият) билан жиноят иши қўзғатилган эди.
Қайд этилишича, айбланувчилар Ж.Б., О.М., Э.Қ. ва М.Х.га нисбатан Жиноят кодексининг 179-моддаси (Сохта тадбиркорлик), 188-1-моддаси 3-қисми «а,в» бандлари (Пул маблағларини ва (ёки) бошқа мол-мулкни жалб этишга доир ноқонуний фаолият), 184-моддаси 2-қисми «а» банди, 184-моддаси 3-қисми (Солиқлар ёки бошқа мажбурий тўловларни тўлашдан бўйин товлаш), 168-моддаси 4-қисми «а,в» бандлари (Фирибгарлик) ва 243-моддалари (Жиноий фаолиятдан олинган даромадларни легаллаштириш) билан, М.Г.га нисбатан эса Жиноят кодексининг 179-модда, 1881-моддаси 3-қисми «а,в» банд, 184-моддаси 2-қисми «а» банди, 184-моддаси 3-қисми, 168-моддаси 4-қисми «а,в» бандлари, 243-модда, 167-моддаси, 2-қисми «а, в, г» бандлари (Ўзлаштириш ёки растрата йўли билан талон-торож қилиш) ва 228-моддаси 2-қисми «б» банди (Ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш), 228-моддаси 3-қисмлари билан аввалги айблов тўлдирилиб, шу куни дастлабки тергов ҳаракатлари тамомланган.
Мавзуга доир:
Тергов ҳаракатлари давомида жами етказилган моддий зарар 47,7 миллиард сўм эканлиги аниқланиб, шундан 36,8 миллиард сўм ундирилган.
Хабарда айтилишича, ҳозирда жиноят ишини айблов хулосаси билан тегишли судловга юбориш чоралари кўрилмоқда.
Изоҳ (0)