Ҳиндистон полицияси жосусликда гумонланган Покистон кабутарини ҳибсдан озод қилди. Қуш икки мамлакат ўртасидаги баҳсли чегарадан учиб ўтганидан сўнг уни жосусликда гумон қилишганди, деб ёзади Toronto Sun.
Қайд этилишича, кабутар дастлаб покистонлик балиқчига тегишли бўлган. Бироқ қайси йўналишда уни учиришгани ҳамда унинг эгасига қайтарилгани ҳақида маълумот берилмаган.
«Бу шунчаки айбсиз қуш», — деган эди кабутарнинг эгаси Ҳабибулла. У Ҳиндистон фуқароларини кабутарини полицияга топширмай, ўзига қайтаришга чақирганди.
Қушнинг оёғига ёзилган рақам маҳаллий аҳоли вакилларининг хавфсирашига сабаб бўлганди. Улар рақамни баҳсли чегарадаги террорчиларга аталган код деб ўйлаганди.
Ҳабибулла эса кабутар қушлар пойгасида иштирок этгани, оёғида унинг телефон рақами ёзилганини айтган эди.
Қайд этилишича, чегараолди қишлоқларида бундай азарт ўйинлар оммабоп бўлиб, кўпинча қушлар мусобақа пайтида йўқолиб қолади.
Изоҳ (0)