Фарғона вилояти Риштон туманида болалар-ўсмирлар спорт мактаби марказий футбол ўйингоҳида бажарилган қурилиш-таъмирлаш ишлари текширилганида 150 миллион сўмдан кўпроқ маблағ талон-торож қилингани аниқланди. Бу ҳақда Бош прокуратура ахборот хизмати «Дарё»га маълум қилди.
Бош прокуратура ҳузуридаги Департаментнинг Риштон туман бўлими томонидан ўтказилган терговга қадар текширувда буюртмачи Фарғона вилояти «Ягона буюртмачи хизмати инжиниринг компанияси» билан пудратчи «М-Р» хусусий фирмаси ўртасида тузилган шартномага асосан, Риштон тумани болалар-ўсмирлар спорт мактаби марказий футбол ўйингоҳида бажарилган 1,3 миллиард сўмлик қурилиш-таъмирлаш ишлари назорат ўлчовидан ўтказилганида хусусий фирма мансабдор шахслари бажарилмаган 150,7 миллион сўмлик ишларни ҳужжатларда қўшиб ёзганликлари ҳамда буюртмачи томонидан объектни назорат қилмай қабул қилиб олгани оқибатида мазкур бюджет маблағлари талон-торож қилингани аниқланган.
Мавзуга доир: Жиззахдаги мактабда 200 млн сўмдан ортиқ бюджет маблағлари талон-торож қилингани маълум бўлди
Аввал Фарғонада ободонлаштириш бошқармаси мансабдорларининг 202 миллион сўмдан ортиқ бюджет маблағларини ўзлаштиргани фош бўлгани хабар қилинганди.
Изоҳ (0)