Андижон вилояти Асака туманида фуқароларга UzAutoMotors АЖга ишга киритиб қўйишни ваъда қилган ва уларни жами 42 минг АҚШ долларига чув туширган фирибгарларга жиноий иш очилди. Бу ҳақда Бош прокуратура ахборот хизмати раҳбари Ҳаёт Шамсутдинов «Дарё»га маълум қилган.
Бош прокуратура ҳузуридаги Департаментнинг Асака туман бўлими томонидан UzAutoMotors АЖнинг бошқарма бошлиқлари ва бошқаларнинг мурожаатларига асосан ўтказилган терговга қадар текширувда «U-C» қўшма корхонаси қўриқлаш хизмати бошлиғи А.Ю., корхона ҳайдовчиси Ж.А. ва бошқалар олдиндан тил бириктириб 31 нафар фуқаронинг ишончига кириб, уларни тумандаги UzAutoMotors АЖга турли лавозимларига ишга жойлаштириб қўйиш эвазига 42 минг АҚШ долларини фирибгарлик йўли билан қўлга киритганлиги аниқланган.
Мазкур ҳолат юзасидан А.Ю. ва бошқаларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Ангрендаги «Авто идеал хизмати» фуқароларни 30 млрд сўмга чув туширгани маълум бўлди
- Бухорода жарима майдонига жойлаштирилган автомобилни чиқариб бериш эвазига «хизмат ҳақи» сўраган шахс қўлга олинди
- Олмалиқда 2 нафар фуқарони ишга олиб киришни ваъда қилиб, улардан 3 минг АҚШ доллари талаб қилган фирибгар қўлга тушди
Изоҳ (0)