«АвтоВАЗ» янгиланган Lada Largus FL’ни тақдим этишга тайёргарлик кўрмоқда. Бу сафар камуфляж остидаги янги дизайнга эга модель Тольятти кўчаларида пайдо бўлган, деб хабар беради Motor.
Янгиланиш автомобилнинг олд қисмига тегишли — Largus Vesta ва XRay каби Х кўринишидаги олд томонга эга бўлади. Айнан шу сабаб билан бир йил олдин Granta оиласи модернизация қилинганди. Бундан ташқари, янги дизайн доирасида олд панел ҳам янгиланади. Моделнинг техник томони ўзгаришсиз қолади: Largus FL’га 1,6 литрли 87 ёки 106 от кучига эга двигатель ўрнатилади. У механик узатмалар қутиси ёрдамида бошқарилади.
Lada Largus’нинг янгиланган дастлабки уч нусхаси 2020 йилнинг февралида конвейрдан чиққанди. Тахминларга кўра, модель ёз фаслида тақдим этилади ва куздан бошлаб сотувга чиқарилади.
Бугунги кунда универсал Lada Largus нархи 627,9 минг рубль (8800 доллар)дан бошланади.
Изоҳ (0)