Чеченистон раҳбари Рамзан Қодиров соппа-соғ эканлигини маълум қилди. У бу ҳақда «Грозний» Чеченистон давлат телерадиокомпанияси директори Аҳмад Дудаевнинг Instagram’даги тўғридан-тўғри эфирида маълум қилган. Бу ҳақда «ТАСС» хабар қилган.
«Касал бўлиб қолсам ҳам, дунёда миллионлаб одамлар ушбу инфекцияни юқтириб олганда минглаб беморлар у туфайли вафот этмоқда. Коронавирус менга хавф солмайдими, нима мен одам эмасманми? Касал бўлишга ҳам ҳақим йўқми? Томчи дори қўйиб иммунитетимни кўтара олмайманми? Мен соппа-соғман», — деган Қодиров.
Қодиров пандемия бошлангандан бери Грознийда мунтазам равишда тиббий текширувлардан ўтиб турганини қайд этган. У Рамазон ҳайити байрамини ўз уйида «ўзни яккалаш» тартибида ўтказганини билдирган.
Аввал Baza, «ТАСС» ва «Интерфакс» нашрлари 21 май куни Қодировнинг коронавирус гумони билан Москвадаги касалхонага ётқизилганини хабар қилган. Шифокорлар унинг аҳволи ҳақида маълумот берганди. Рамзан Қодировнинг ўзи ҳам бир неча кун давомида омма олдида чиқиш қилмаган, 24 майда эса Ҳайит байрами муносабати билан видеотабрик йўллаган, аммо унда Чеченистон етакчисининг овози кадр ортидан янграганди. 26 майда Қодиров ижтимоий тармоққа коронавирусга қарши тезкор штаб йиғилишини ўтказаётгани акс этган суратни юклаган.
Мавзуга доир:
Изоҳ (0)