Жиззах вилоятининг Пахтакор туманидаги суғориладиган экин майдонида учиш-қўниш майдончаси барпо этилди. Бу ҳақда Ер ресурслари, геодезия, картография ва давлат кадастри давлат қўмитаси ахборот хизмати хабар бермоқда.
Хабарга кўра, «Мингчинор» ҚФЙ ҳудудидаги SilverleafeInternational LLC агрокластери томонидан қурилган аэродром 8 гектар майдонни эгаллаган, шундан 6 гектари суғориладиган экин ерлари. Шунингдек, қўмита агрокластер томонидан 1 гектар экин ерида ўзбошимчалик билан турли иморатлар қуриб олинганини ҳам маълум қилган.
Бундан ташқари ушбу агрокластер томонидан 1, 11, 21, 25, 26 ва 27-дала контурларига жами 2000 гектар ерга режалаштирилган чигит экинининг 356 гектарига ҳалигача экилмасдан келаётгани ҳам аниқланган.
Мазкур ҳолат юзасидан қўмита мутахассислари томонидан Вазирлар Маҳкамасига ахборот берилган ва вилоят ҳокимлигига тақдимнома киритилган.
Айни вақтда Ўзбекистонда ажратилган ер майдонларидан мақсадли фойдаланиш юзасидан текширувлар ўтказилмоқда. Адлий вазирлиги маълумотига кўра, 2018—2019 йилларда 23 мингта ерни ноқонунуй ўзлаштириш ҳолати қайд этилган ва 3900 гектар майдон эгаллаб олинган, 6000 гектар ерга қонунга хилоф равишда турли бинолар қурилган.
Мавзуга доир:
- Ўзбекистонда пандемия сабаб фойдаланилмаётган ерлар аҳолига мева-сабзавот етиштириш учун берилиши кутилмоқда
- «Томорқачиликни маъмурий жазо ва қўрқитиш йўли билан ривожлантириб бўлмайди» — ЎзЛиДеП вакили
- Ўзбекистонда томорқа ер участкаларидан самарали фойдаланмаганлик учун жавобгарлик кучайтирилиши бўйича ҳужжат қабул қилинди
Изоҳ (0)