Тошкент шаҳрининг Яккасарой туманида 27 май, чоршанба куни икки Captiva иштирокида тўқнашув юз берди. Бу ҳақда ЙҲХББ хабар бермоқда.
Ҳодиса соат 12:45 ларда Нукус ва Кичик Бешёғоч кўчалари чорраҳасида юз берган. 1987 йилда туғилган С.С. исмли эркак бошқарувидаги Captiva Нукус кўчасидан Кичик Бешёғоч кўчасига бурилаётган ҳайдовчи 1982 йилда туғилган А.М. исмли эркак бошқарувида бўлган Captiva билан тўқнашган.
Тўқнашув натижасида А.М. бошқарувидаги Captiva ағдарилган. Ижтимоий тармоқларда тарқалган расмда светофор ҳам ағдарилганини кўриш мумкин.
ЙТҲ оқибатида тан жароҳати олганлар йўқ.
Мазкур ЙТҲ юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Эслатиб ўтамиз, 13 май куни Тошкентда иккита Spark, 11 май куни Андижонда иккита Damas тўқнашган. Ҳар иккала ЙТҲда ҳам машиналардан бири ағдарилиб кетганди.
Изоҳ (0)