Тошкент вилоятида коронавирус инфекциясининг тарқалиши билан боғлиқ эпидемиологик вазиятдан келиб чиққан ҳолда вилоятдаги «қизил», «сариқ» ва «яшил» ҳудудлар рўйхати янгиланди. Бу ҳақда Тошкент вилояти ҳокимлиги маълум қилди.
Хабар берилишича, 2020 йил 26 май ҳолатига кўра, вилоят ҳудудидаги туман ва шаҳарлар қуйидаги тартибда тоифаларга ажратилган.
«Қизил» ҳудудлар — Бекобод, Янгийўл, Нурафшон шаҳарлари, Қибрай, Оққўрғон, Зангиота, Паркент, Тошкент, Юқори Чирчиқ, Янгийўл туманлари.
«Сариқ» ҳудудлар — Ангрен, Чирчиқ шаҳарлари, Бекобод, Қуйи Чирчиқ, Чиноз, Ўрта Чирчиқ туманлари.
«Яшил» ҳудудлар — Олмалиқ, Оҳангарон шаҳарлари, Оҳангарон, Бўка, Бўстонлиқ, Пискент туманлари.
Шунингдек, Президент «қизил» ва «сариқ» ҳудудларда кунлик тест олиш сонини ошириш ҳақида ҳам кўрсатма берди.
Эслатиб ўтамиз, Ўзбекистон ҳудудлари эпидемиологик вазиятдан келиб чиқиб 8 майдан эътиборан, «яшил», «сариқ» ва «қизил» тоифаларга ажратиб чиқилган эди. 15 майдан барча тоифалардаги ҳудудларда айрим карантин чекловлари янада юмшатилган.
18 майдан «сариқ» тоифадаги ҳудудларда шахсий автотранспорт воситаларини стикерсиз соат 06:00 дан 22:00 гача бошқаришга, «яшил» ҳудудларда эса умуман чекловсиз фойдаланишга рухсат берилган эди.
Изоҳ (0)