Давлат хизматлари агентлигининг маълум қилишича, агентликнинг ижтимоий тармоқлардаги расмий саҳифалари, шунингдек, 1148 қисқа рақамлли «ишонч телефони» орқали бир марталик нафақа пули беришни сўраб қилинаётган мурожаатлар сони ортди. Шу сабабли ДХА ахборот хизмати раҳбари Севара Зокирова бу масала бўйича батафсил маълумот берди.
Вазирлар Маҳкамасининг 2020 йил 23 майдаги «Аҳолини ижтимоий ҳимоя қилиш соҳасида давлат хизматлари кўрсатишнинг айрим маъмурий регламентларини тасдиқлаш тўғрисида»ги қарорига кўра, ариза берувчи бола туғилган кундан бошлаб 6 ой муддат ичида «суюнчи пули»ни тайинлаши учун Давлат хизматлари марказига (ДХМ) борган ҳолда ёки Ягона интерактив давлат хизматлари портали (ЯИДХП) орқали мурожаат қилади.
Ушбу хизматдан фойдаланиш тартиби қуйидагича:
- Ариза берувчи бола туғилган кундан бошлаб 6 ой муддат ичида мазкур нафақани тайинлаши учун Давлат хизматлари марказига (ДХМ) борган ҳолда ёки Ягона интерактив давлат хизматлари портали (ЯИДХП) орқали мурожаат этади.
- Тегишли сўровнома бюджетдан ташқари Пенсия жамғармасига юборилади.
- Пенсия жамғармаси ўз навбатида нафақани тайинлаш ёки рад этиш тўғрисида қарор қабул қилади.
- Нафақа тайинланган тақдирда нафақани қачон ва қаердан олиш тўғрисида маълумот, нафақа тайинлаш рад этилганда рад этиш сабаблари кўрсатилган маълумот тегишли ДХМга ёки ЯИДХПга электрон тарзда юборилади.
Изоҳ (0)