Тожикистонда COVID-19 коронавирус инфекцияси аниқланганлар сони 2551 нафарга етди. Бу ҳақда мамлакат соғлиқни сақлаш вазирлигига таяниб, «РИА Новости» хабар берган.
«22 май ҳолатига кўра, Тожикистонда коронавирус юқтириб олиш билан боғлиқ 201 та янги ҳолат қайд этилган, мамлакатда инфекцияга чалинган беморларнинг умумий сони 2551 нафарга етган, бир сутка давомида касалликдан вафот этиш ҳолатлари кузатилмаган», – дейилади вазирлик хабарида.
Айни вақтда мамлакатда 3151 киши шифокорлар назорати остида бўлиб турибди, охирги сутка давомида 1089 киши касалликдан соғайган.
Тожикистон ҳукумати ва соғлиқни сақлаш вазирлиги коронавирус профилактикаси ва уни даволаш бўйича барча зарур чораларни кўрмоқда.
Мавзуга доир: Эмомали Раҳмон Тожикистонда коронавирус билан боғлиқ вазият ҳақида ҳаққоний маълумотларни эълон қилиш ҳақида кўрсатма берди
Аввал ўзбекистонлик шифокорлар гуруҳининг Тожикистонда 14 кун бўлиб қайтгани ва у ерда мастер-класслар, семинарлар ва яна бошқа тажриба алмашиш тадбирлари ўтказилгани, 8 нафар тиббиёт ходими Тошкентда кутиб олингани хабар қилинганди.
Изоҳ (0)