Жиззах вилоятининг Жиззах шаҳрида 18 май куни тўрт машина иштирокида йўл-транспорт ҳодисаси юз берди. Бу ҳақда ЙҲХББ хабар бермоқда.
Ҳодиса соат 15:40 ларда Убайдулла Тўрақулов кўчасида юз берган. Lacetti ҳайдовчиси тезликни меъёридан оширган ҳолда ҳаракатланаётганида руль бошқарувини йўқотган.
Оқибатда Lacetti йўл четида тўхтаб турган Nexia, Damas ва Nexia-3 автомобилларига урилган.
Йўл-транспорт ҳодисаси оқибатида ҳайдовчи шифохонанинг реанимация бўлимига ётқизилган. Унинг ҳолати қониқарли деб баҳоланган.
Эслатиб ўтамиз, 19 май куни Андижон вилоятининг Шаҳрихон шаҳрида «Газель» ва Lacetti тўқнашуви оқибатида иккала машина салони ёниб кетганди.
Изоҳ (0)