Samsung ноодатий ойнани сотувга чиқаради (видео)

Samsung компанияси хонадонда қуёш нурини стимуляция қилишга қодир SunnyFive лойиҳасини илгари сурмоқда, деб хабар беради «Hi-Tech.Mail.ru».

SunnyFive ташқи кўриниши билан ҳақиқий ойнага ўхшайди, бироқ шаффоф ойна ўрнини хира панель эгаллаган. Ромнинг ташқи қисмида махсус лампалар ўрнатилган бўлиб, қуёш нури спекторини ҳосил қилади.

Қуёш нури имитацияси нафақат қулайлик яратади ва табиий ёруғлик эффектини беради, балки одамга D витамини синтезини амалга оширишда ёрдам беради. Шу билан бирга, мазкур лампалар ультрабинафша нурларнинг ортиб кетишига йўл қўймайди.

SunnySide ойналаридаги сунъий ёруғлик ҳатто ёруғлик синиш бурчагини ўзгартириш имконини беради, худди реал ҳаётдаги Қуёш сингари. Бунинг учун қурилма «ақлли» уй тизимига уланиб, шаҳардаги қуёш фаоллиги цикли билан синхронлашади.

Компания ҳозирча ўз маҳсулоти нархини ва қачон сотувга чиқишини эълон қилмаган. Бир нарса маълумки, Samsung ушбу ғояни ривожлантириш ниятида.

Эслатиб ўтамиз, Samsung SunnyFive стартапини йил бошида ўтказилган CES 2020 кўргазмасида намойиш этганди. У компания ичидаги гаджетларни синовдан ўтказувчи кичик жамоанинг C-Lab лабораториясида яратилган.