Фото: Миллиардерлар эгалик қилувчи 6 та ҳашаматли уй

Уй — бу инсон шахсиятининг бир қисми. Деворлар ранги, эшик тутқичлари, ёритгичлар сизнинг дидингиздан, шунингдек, даромадингиздан далолат беради, деб ёзади GQ нашри.

Қуйида дунёдаги энг ҳашаматли ва қимматбаҳо уйлар ҳақида маълумотлар келтирилади.

Мумбайдаги «Антилия» қасри.Нархи — 2 миллиард долларЭгаси — Мукеш Амбани

Ҳиндистоннинг энг бадавлат фуқароси Мукеш Амбани сайёрадаги энг ҳашаматли уйлардан бирига эгалик қилади. Уй 27 қаватдан иборат ва унда тўққизта тезюрар лифт ишлайди.

Кўп қаватли гаражда эса 168 та машинага жой бор. Агар меҳмонлар вертолётда келмоқчи бўлса, унда бу ерда учта вертолёт сиғадиган майдон бор. Уйда баллар ўтказиладиган зал, театр, спа, ибодатхона ва бир неча қишки боғлар бор.

Нью-Йоркдаги Марказий боғ кўриниб турадиган пентхаус.Нархи — 240 миллион долларЭгаси — Кеннет «Кен» Гриффин

Кеннет Гриффин — америкалик инвестор, миллиардер ва Citadel компанияси асосчиси. У ушбу пентхаусни 2019 йилда сотиб олган.

Пентхаус уч қаватда жойлашган, унинг умумий майдони 2137 квадрат метрни ташкил этади. Унда 16 та ётоқхона, 17 та ваннахона ва бешта балкон бор.

Лос-Анжелесдаги The Manor қасри. Нархи — 120 миллион долларЭгаси кимлиги номаълум

Бу Лос-Анжелесдаги энг катта уй бўлиб, унинг умумий майдони 5203 квадрат метрни ташкил этади. Унда 123 та хона, 14 та ётоқхона ва 27 та ваннахона бор. Уйда гўзаллик салони, тунги клуб ва сартарошхона ҳам бор. Уй ҳовлисида 202 сотихли боғ жойлашган. Боғда теннис корти ҳам қурилган. 2019 йилгача уйда Петра Экклстоун исмли аёл яшаган.

Беверли-Хиллздаги қаср.Нархи — 71 миллион долларЭгаси — Гаррет Кэмп

Uber асосчиларидан бири Гаррет Кэмп бу уйни 2019 йилда харид қилган. Уйнинг умумий майдони 1115 квадрат метрни ташкил этади. Уйда ярми ер остида жойлашган автомобиллар галереяси ва чексиз бассейн бор.

Калифорниядаги пляжли уй.Нархи — 43 миллион долларЭгалари — Билл ва Мелинда Гейтс

2020 йилнинг апрелида ушбу қаср Билл ва Мелинда Гейтслар томонидан сотиб олинган. Пляжли уй сокин атмосферага эга.

Вертолёт майдонига эга пентхаус.Нархи — 20 миллион долларЭгалари — Девид ва Виктория Бекхэм.

Ушбу пентхаус One Thousand Museum биносида жойлашган, унинг томида эса вертолёт қўнишга мўлжалланган майдон бор.

Майамидаги ушбу осмонўпар бино Zaha Hadid Architects лойиҳаси бўйича қурилган, эр-хотин Бекхэмлар уйни 2019 йилда сотиб олган.