Аввалроқ Сардобадаги фалокат оқибатида 6 киши вафот этгани ҳақида хабар берилганди. Сирдарё вилояти ички ишлар бошқармаси бошлиғи Шавкат Мавлоновнинг «Дарё»га маълум қилишича, фалокатнинг умумий қурбонлари сони ҳозирча беш нафарни ташкил этмоқда, бир киши бедарак йўқолган.
Қурбонларнинг икки нафари — эр-хотин, улар тошқин вақтида далада бўлган. Уларнинг иккиси ҳам сувда оқиб кетган. Яна бир қурбон — қўл-оёғида ногиронлиги бўлган фуқаро. У уйида бир ўзи қолиб кетган. Яна бир қурбон тошқиндан бир кун аввал Қозоғистондан келган. Бешинчиси қурбон эса Миллий гвардия ходими бўлган. Бедарак йўқолган фуқаро ҳам Миллий гвардия ходими ҳисобланади.
Бундан ташқари, Фарҳод А. исмли фуқаронинг жасади топилган. Унинг жасади сув тошқини юз берган куни топилган. Мазкур фуқаро касалликдан азият чекаётган бўлган. Унинг жасади Жиззах вилоятига олиб борилиб, дафн қилинган. Унинг сув тошқини оқибатида вафот этган-этмагани юзасидан суриштирув масалалари кетмоқда. У аниқ сув тошқини оқибатида вафот этгани ҳозирча номаълум, у тошқингача вафот этган бўлиши мумкин. Бу қурбон бўйича экспертиза ўтказилмоқда. Унинг ҳақиқатан ҳам сув тошқини оқибатида вафот этгани аниқланса, у ҳам тошқин қурбонлари рўйхатига қўшилади.
Шунингдек, қабристонлар талафот кўргани натижасида яна бир жасад чиққан. У қабристондан чиқиб қолган. Ўтказилган экспертиза маълумотларига кўра, унинг вафот этганига энг ками бир йил, энг кўпи билан беш йил бўлган.
Тошқин оқибатида 152 киши турли даражада тан жароҳати олган, бироқ улар орасида оғир ва ўта оғир тан жароҳати олганлар йўқ.
Фавқулодда вазият туфайли Сардоба, Оқолтин, Мирзаобод туманларидаги 24 та маҳалладан 90 мингга яқин фуқаро зудлик билан хавфсиз ҳудудга эвакуация қилинган, тошқин зонасида қолиб кетган юзлаб одамлар қутқарилган,
Изоҳ (0)