Google ва Facebook компаниялари коронавирус пандемияси сабаб ходимларининг аксариятини йил охирига қадар масофадан туриб ишлатишни режалаштирмоқда. Компания бу борадаги тегишли хатларни ўз ходимларига жўнатишни бошлаган, деб хабар беради BBC.
Google раҳбарияти ўз ходимларига улар камида 2020 йилнинг октябригача ёки 2021 йилнинг бошига қадар масофадан туриб ишлашлари тўғрисида хат юборган.
Facebook ҳам худди шу каби қарорга келган. Компаниянинг маълум қилишича, ходимлар 2020 йил охирига қадар уйда қолиши мумкин.
Мазкур компанияларга қарашли офисларнинг аксарияти 6 июлдан олдин очилмайди. Шу билан бирга, Facebook вакилининг сўзларига кўра, ҳозирча қайси ходимларнинг офисдан туриб ишлаши номаълум. Офисларда касалликнинг олдини олиш учун хавфсизлик чоралари кучайтирилади.
Аввалроқ Google коронавирус туфайли ўз ходимларига уйдан ишлашни тавсия қилгани, Apple раҳбари ҳам ишчиларга уйдан ишлашга рухсат бергани, Японияда давлат идораларига ходимларини уй шароитида ишлашга ўтказиш буюрилгани хабар берилганди.
Изоҳ (0)