Сирдарёда юз берган тошқин оқибатларини бартараф этиш учун Мудофаа вазирлиги томонидан 1000 дан ортиқ техника, тегишли мутахассислар ва шахсий таркиб жалб этилган. Бу ҳақда Мудофаа вазирлиги ахборот хизмати раҳбари Баҳром Зулфиқоров 8 май, жума куни бўлиб ўтган брифингда маълум қилди.
Қайд этилишича, вазирлик қўшинлари томонидан талафот етган туманларда ижтимоий объектлар, маҳаллалар ва уйлар тартибга келтирилмоқда. Хусусан, 800 дан ортиқ хонадонни тартибга келтириш ишлари амалга оширилмоқда ҳамда ўз эгаларига топширилмоқда.
Юқумли касалликларнинг олдини олиш ва санитар ҳолатни сақлаш мақсадида 300 та дезинфекция машинаси ва 30 та махсус бригада билан дезинфекция ишлари олиб борилмоқда.
Нобуд бўлган ҳайвонларни махсус қўшин мутахассислари томонидан кўмиш ишлари ташкил қилинган. Топилган қаровсиз чорва моллари ва аҳолининг буюмлари ўз эгаларига қайтарилмоқда.
Тошқин оқибатида бузилган кўприк ва йўлларни қайта тиклаш учун махсус понтон кўприклардан фойдаланилмоқда. Бу эса зарар кўрган ҳудудларга махсус техникаларнинг етиб боришига имкон бермоқда.
Мудофаа вазирлиги алоқа мутахассислари симли ва уяли алоқанинг тикланишига ёрдам кўрсатмоқда. Ҳарбий ҳаво кучлари томонидан ҳар куни қутқарув ишлари учун 30 дан ортиқ парвоз амалга оширилмоқда. Ҳарбий шифокорлар томонидан 400 дан ортиқ фуқарога ёрдам ва 2190 нафардан ортиқ фуқарога психологик кўмак кўрсатилди.
Мавзуга доир:
- Марказий ҳарбий округ аскарлари Сардобадаги табиий офат оқибатларини бартараф этишда қатнашмоқда (фото)
- Шимоли-ғарбий ҳарбий округ ҳарбийлари Сардобадаги табиий офат оқибатларини бартараф этишда қатнашмоқда (фото)
- Сирдарёда фавқулодда вазият ҳудудида қолиб кетган икки фуқаро ҳарбий вертолёт ёрдамида қутқарилди
Изоҳ (0)