МДҲнинг АҚШдаги элчилари Иккинчи Жаҳон урушидаги ғалабанинг 75 йиллиги муносабати билан қўшма баёнот қабул қилди, деб хабар бермоқда «РИА Новости». Баёнотни Россия, Арманистон, Беларусь, Қозоғистон, Қирғизистон, Тожикистон, Ўзбекистон ҳамда Туркманистон элчилари имзолаган.
Қайд этилишича, элчилар 75 йил аввал Бирлашган Миллатлар Ташкилоти вакиллари дунёни даҳшатли таҳдиддан — нацизмдан қутқарганини ёдга олди ва СССР халқлари қаҳрамонона қаршилик кўрсатиб, нафақат уруш даврида душман билан даҳшатли жангда омон қолгани, балки ўн миллионлаб қурбон бўлган инсонларнинг ҳаёти эвазига келаси авлодлар учун тинч келажакни яратиб берганини таъкидлади.
«Бизнинг умумий вазифамиз бу воқеалар ҳақидаги тарихий ҳақиқатни қарор топтириш ва Иккинчи Жаҳон уруши қурбонлари ва ундан хулосаларни авлодларга етказишдир», — деб айтилган қўшма баёнотда.
Шунингдек, элчилар, уруш фахрийларидан миннатдор эканликларини билдирган.
Мавзуга доир:
Изоҳ (0)