Жанубий Корея ҳукумати Mercedes компаниясини 63,4 млн доллар жаримага тортди

Жанубий Корея ҳукумати Mercedes-Benz, Porsche ва Nissan компанияларини рекорд суммага жаримага тортди, деб хабар берди «Korrespondent.net».

Авто ишлаб чиқарувчилар зарарли дизель чиқиндиларининг таркиби ҳақидаги кўрсаткичларни камайтириш учун дастурий таъминотдан фойдаланган. Mercedes-Benz тўлаши керак бўлган жарима миқдори рекорд даража — 63,4 миллион долларга тенг.

Германиянинг автомобиль ишлаб чиқарувчи компанияси 2012—2018 йилларда ишлаб чиқарилган машиналарнинг зарарли тутунлари ҳақидаги ҳисоботни қалбакилаштирган. Рўйхатда 12 та моделга оид 37 мингта автомобиль бор.

C 200 d, GLC 220 d 4MATIC, GLC 250 d 4МАТIC ва МL 250 BlueТЕC 4МАТIC автомобиллари ҳавога стандартда белгиланганидан 13 баравар кўпроқ тутун чиқарган.

Porsche ва Nissan мос равишда 817,3 ва 735,6 минг доллардан жарима тўлайди.

Жанубий Корея атроф-муҳит вазирлиги авто ишлаб чиқарувчиларга нисбатан жиноят иши ҳам очиши мумкин.